Buon Compleanno Peppino

Buon Compleanno Peppino

La to voci


'Nto scuru ri sti tempi
nca ri tristizza inchinu li manu
manu troppu stanchi ri cogghiri pizzudda ri sonnu
ca lu cori nutrica
e lu jornu sicca
la to vuci sfarda lu fogghiu ru celu
ca stiddiatu ri chiantu
canta li lamenti ri li genti
adduma li vampi ra giustizia
parra di diritti e d'uguaglianza
La to vuci tinci, cu a russia ri la lotta,
stu cielo
ca cummogghia,
comu na matri amurusa,
tutti li facci ri la nostra vita
ca e' una e stritta gira
comu n'aneddu nta lu coddu r'un prigioniero,
la to vuci grira comu na bannera
contro mafia, patruna e parrini
e ncanta la fami ri sta terra
ca nni inchi lu cori cu li so beddizzi
e nni strinci lu pettu cu lu so duluri,
a to vuci è liberta’
e la liberta’ semu nuatri
ca cu li pugna chiusi
sciugghiemu li catini c’attacanu li pinseri
pi falli caminari vasci tra li genti
e abbrucenti comu u ventu ri scirocco,
si, la to voci semu nuoatri
ca a occhi aperti sunnamu
e di stu sogno nutricamu la nostra vita

5 gennaio 1948, a Cinisi nasce Peppino Impastato