Gedanken vor der Wahl

Gedanken vor der Wahl

Am 22. wollt isch eigentlisch de Gerda besuche.
In de Flimmerkist kam jetzt aber so ebbes von dene Wahle.
Hat sisch angeheert, als misst ma dahie. Ei guut, mache mer des.
Mer muss ja aach e Verantwoddung iebernemme, fer`s Vadderland.
Geht ja aach schnell.. Hie e Kreutzche, dort aach noch aans.. feddisch.

Die Parteie habbe aach viel rumgemacht, wie bei de Waschmiddelreklam.
Die Luftballongs von de FDP gefalle mer net, des Gelb is mer zu grell.
Des Rot von de SPD is schee, aber de Steinbrick.. ich waas net.
Bei de Griene guckt de Kienast als so frigid, des macht kaan Spaß.
Des Merkel hat immer so`n Krampf in de Händ, wie will mer da regiere.
De Kulis von de NPD schreibe ganz gut, net schlescht...
Awwer isch denk noch e mol nach, hier drauße uff de Bank...